HRes 128ን ማልፍ ተከትሎ የኢትዮጵያ መንግስት ቁጣውን እየገለፀ ነው

HRes 128ን ማልፍ ተከትሎ የኢትዮጵያ መንግስት ቁጣውን እየገለፀ ነው

Team of HRes128
በኢትዮጵያ የሰበአዊ መብት መከበርን የሚጠይቀው ህግ በአሜሪካን ምክርቤት በሙሉ ድጋፍ ካለፈ በሆላ በህወሃት መንግስት ከፍተኛ የሆነ ድንጋጤ የፈጠረ ሲሆን በአንፃሩ ኢትዮጵያኖች ደስታቸውን እየገለፁ ናቸው።
የዚህን ህግ በምክርቤት ቀርቦ ያላሳለሰ ጥረት በማድረግ ግንባር ቀደም ሚና የነበራቸው ኮንግረስማን ማይክ ኮፍመን ለተሰብሳቢዎች ሲናገሩ አሜሪካ ለአምባገነኖች ቦታ የላትም ብለዋል። ትግላችን ይቀጥላል ያሉት ማይክ ኮፈመን በኮሎራዶ ለሚኖሩ ኢትዮጵያኖች ለዚህ ህግ ማልፍ እና መፈጠር ያደረጉትን ትግል አድንቀዋል። ዲ ዮሴፍ ትላንት በኮሎራዶ ነዋሪዎች የድል አቀባበል በተደረገላቸው ሰአት ሲናግሩ ይህ ድል የመላው ኢትዮጵያወያን ነው ኮሎራዶ ኢትዮጵያውያን በዚህ ሂደት ውስጥ ለየት የሚያደርገን ህጉ እንዲጀመርና እንዲፀድቅ ያደረግነው ጥረት ሳይሆን በዚህ ሁሉ ሂደት ኢትዮጵያዊነትን ወክለን በአለም ፊት መቅረባችን ነው። ኢትዮጵያዊነት አያሳፍርም ያኮራል እንጂ ብለዋል። በዚህም በኩራት ኢትዮጵያ ብለን ስለ ኢትዮጵያውያን መብት መከበር በአሜሪካን ምክርቤት ፊት መስክረናል ህግም ተረቆ እንዲፀድቅ ግንባር ቀደም ሆነን ስለሁሉም ወገናችን ድምፃችንን ከፍ አድርገን ተናግረናል። ይህም እንዲሆን ከፍተኛውን ሚና የተጫወተውን የኢትዮጵያ አድቮከሲ ኔትወርክን አመስግነዋል። ካለ አድቮከሲው ኢትዮጵያን ጠርተን በመላው ግዛት መውሰድ ከባድ ነበር ብለዋል። የዚህ ህግ መፅደቅ አሸናፊው ህዝብ ነው ብለዋል። በአንፅሩ መንግስት ህጉን በመቃወም በሉአላዊነታችን የተቃጣ ጥቃት ነው ሲሉ የውጪ ጉዳይ ሚንስተሩ ባወጣው መግለጫ አስታውቀዋል።


ቀጣዩ ስራ ደግሞ ሴኔት ላይ ያለውን ረቂቅ ህግ S.Res 168 ህግ እንዲሆን ማድረግ እንደሆነ የኢትዮጵያ አሜሪካውያን ሲቪክ ካውንስል ሰብሳቢ ዲ ዮሴፍ ተፈሪ ገልፀዋል::

ይህ በእንዲህ እንዳለ ህጉ ምንም አያመጣም እያሉ የማረጋጋት ስራም በተለያዩ ሚዲያዎች እየሰሩ ነው። ይህ ህግ የሁለቱም ምክርቤት ፓርቲዎች የተስማሙበት በመሆኑ ልክ እንደ ቢል ተፈፃሚነት እና ህግ ሁኖ ወደ ኮንግረሻል ሬኮርድ ቢሮ የሚመራ ሲሆን ማናቸውንም ውሳኔ የአሜሪካ መንግስት በኢትዮጵያ ላይ ለማሳለፍ ይህንን ህግ አይቶ ነው መወሰን የሚችለው። ይህ ሪዞሊሽን የሚለየው ፕሬዝዳንቱ መፈረም አይጠበቅባቸውም። ቀጥታ ወደ ፈፃሚው አካል ይላካል። ስለዚህ ከፍተኛ የሆነ ለኢትዮጵያኖች ድል እና ለህወሃት መንግስት አስቸጋሪ የሆነ ህግ ነው።

Be the first to comment

Leave a Reply

Your email address will not be published.


*